Real Madrid ka gjetur formulën për të mbajtur në skuadër Cristiano Ronaldon.

Portugezi ka më shumë se një muaj që ka vënë në dilemë të ardhmen e tij, pas publikimit të lajmit se është i pakënaqur dhe do të largohet gjatë kësaj vere.

Por, skuadra kampione e Evropës ka menduar se si ta mbajë në skuadër lojtarin më të mirë në botë.

Real Madrid pritet ta ngritë në hierarki Ronaldon, duke e bërë kapitenin e tretë të skuadrës, pas Sergio Ramosit dhe Marcelos.

Ronaldo do ta zë vendin e Pepes, që u transferua në Turqi te Besiktas.

Ky rol i jep përgjegjësi të shtuar Ronaldos, që bëhet pjesë e vendimmarrjes te Real Madrid.

33 vjeçari si kapiten i tretë do të takohet me presidentin Perez së bashku me Ramosin dhe Marcelon, për të diskutuar çështje të rëndësishme që kanë të bëjnë me skuadrën e parë.

Ronaldo edicionin e kaluar ishte kapiteni i katërt i Realit, dhe vendin e tij do ta zë Karim Benzema.